La regenza ha dà glisch verda per ennavar la pista da Lej dals Chöds sin il Corvatsch. Ella ha approvà la revisiun parziala da la planisaziun locala che las vischnancas da San Murezzan e da Silvaplauna han concludì.
![La pista illustrada sin ina fotografia reala sur San Murezzan Bogn.](https://www.rtr.ch/static/cms/images/960w/a70d7e.jpg)
Sin ina lunghezza da 4,7 kilometers duai la pista Lej dals Chöds che va da Gian d'Alva a San Murezzan Bogn survegnir conducts d'aua e conducts d'aria cun circa 57 spinas sco er ina surfatscha ennavada supplementara da var 58 000 meters quadrat. Las lantschas per ennavar duain vegnir montadas mintgamai da la fin da settember fin mez schaner.