Cun avrir la lètg era per pèrs omosexuals ha la Svizra fatg in impurtant pass envers l’egualitad. Da vesair è era che la Svizra è unida en questa dumonda. I na dat nagins foss tranter pajais e citad ed er nagins foss tranter territoris linguistics. Il Gea dad oz è in Gea istoric ed impurtant per ina societad averta.
Dentant na dastgan ins betg emblidar ch'i dat adina puspè violenza e discriminaziun pervi da l’orientaziun sexuala. Gist en quest punct datti anc bler da far per che l'egualitad daventa er en la societad realitad.
Fabia Caduff
Correspundenta Chasa federala