Per immobiglias en lieus turistics pajan ins ozendi bler dapli ch'avant dus onns. La raschun è cunzunt la crisa da corona. En media custa il meter quadrat terren per bajegiar mumentan 14% dapli ch'il 2019. Quai demussa il barometer dals lieus da skis svizzers dal portal d'immobiglias RealAdvisor. Ed il Grischun è represchentà stedi en questa rangaziun.
Il svilup en il Grischun
A Samignun, a Tavau ed a Scuol è il pretsch schizunt s'augmentà per 25%. Sch'ins guarda sur ils davos 10 onns è l'augment il pli grond a Zermatt ed a Laax cun in plus da 50%. Pretschs pli auts hajan ins cunzunt registrà en lieus cun ina buna infrastructura da skis, ina buna autezza sur mar u ina buna colliaziun cun ils centers sco Turitg u Genevra.
Ils pretschs ils pli auts
Ils pli auts pretschs insumma vegnan pajads actualmain a San Murezzan, Verbier e Zermatt cun passa 15'000 francs per meter quadrat.