Siglir tar il cuntegn

Header

video
In nov dicziunari rumantsch digital
Or da Telesguard dals 22.12.2021.
laschar ir. Durada: 17 Secundas.
cuntegn

Lingua rumantscha App «Dicziunari Rumantsch»

Dapi oz stat a disposiziun a la Rumantschia ed a tuts ch'han interess da la lingua rumantscha in nov utensil: ina app da dicziunari cun passa 500’000 endataziuns. Quella pon ins telechargiar gratuitamain en «Google Play» ed en il «App Store».

Il dicziunari cumpiglia tut ils idioms

L’app «Dicziunari Rumantsch» unescha sis differents dicziunaris da tut ils tschintg idioms sco era dal rumantsch grischun. Ils dicziunaris dals idioms surmiran e sutsilvan sco era dal rumantsch grischun derivan da pledarigrond.ch, las datas sursilvanas da vocabularisursilvan.ch e quellas dal vallader e dal puter sa basan sin ils dicziunaris da «Meds d'instrucziun dal Grischun».

L’interfatscha d’utilisader stat a disposiziun en tudestg e rumantsch. Ella pussibilitescha da midar svelt tranter ils differents modus da tschertgar ed ils differents dicziunaris.

L'app è en emprima lingia per persunas da lingua rumantscha

L’app sa drizza en emprima lingia a persunas da lingua rumantscha che ston consultar il vocabulari per chattar ina translaziun rumantscha dad in pled tudestg, chapir in pled rumantsch betg tant frequent, u per verifitgar la scripziun dad in tschert pled – saja en l’agen idiom u en in dals auters idioms.

Plinavant duai l’app dentant era esser in agid per glieud che viva en il territori rumantsch, ma ha in’autra lingua materna u per persunas da lingua tudestga che emprendan rumantsch.

RTR novitads 16:00

Artitgels legids il pli savens