Siglir tar il cuntegn

Header

Auto demolì sin A13.
Legenda: In accident è capità sin l'A13 a Trimmis nua ch'in automobilist è charrà en in auto ch'era en colonna. MAD
cuntegn

Lungas colonnas enturn Cuira Accidents a Trimmis e Fläsch han impedì traffic da dumengia

La dumengia saira è il traffic stagnà sin pliras vias en il conturn da Cuira. Surtut sin l'autostrada A13 tranter Rehanau/La Punt e Landquart hai durvrà blera pazienzia causa lungas colonnas. Tenor il servetsch da traffic Viasuisse èsi stà da spetgar tranteren fin 50 minutas.

La raschun per las lungas colonnas è per l'ina stà memia bler traffic – dentant era in accident ch'è capità dumengia saira sin l'autostrada A13 tar Trimmis. Tenor la Polizia chantunala dal Grischun haja in automobilist realisà memia tard ina colonna ed è charrà en in auto. L'automobilist da 34 onns saja sa blessà levamain e vegnì transportà en l'ospital. Pervia da bler traffic hai dà impediments sin l'A13.

Er colonnas sin vias principalas

Pertutgadas èn era stadas pliras vias principalas, per exempel quella tranter Cuira e Favugn sco era tras la citad da Cuira. Er sin la via da Fläsch hai dà dumengia suentermezdi in accident. Tenor emprimas infumraziuns da la Polizia chantunala saja in in motociclist crudà sin la via curt avant entrar en il vitg da Maiavilla. L'um da 57 onns e sia cunpassagiera sajan sa blessads grevamain e vegnids transpostads en ils ospitals da Schiers e Cuira. La Polizia chantunala sclerescha co l'accident è capità.

Via da Fläsch cun in auto da polizia gist avant il vitg da Maiavilla.
Legenda: L'accident cun il motociclist è capità gist avant l'entrada dal vitg da Maiavilla. MAD

Adina dapli traffic sin l'A13 ed er tras ils vitgs

video
Situaziun actuala sin las vias enturn l'A13
Or da Telesguard dals 28.03.2022.
laschar ir. Durada: 3 minutas 2 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga