Il possessur d'ina ustaria a Maivilla ha alarmà la polizia. La notg sin mardi è el vegnì alerta causa ramurs or dal plaunterren ed ha vis la glisch d'ina lampa da maun. Uschia descriva la Polizia chantunala la situaziun. La patruglia da la polizia haja lura chattà in um da 41 onns da l'Algeria en l'ustria. El vulevà engular rauba en la valita da 500 francs, surtut mangiativas e spirituosas.
Uss sclerescha la polizia ensemen cun la procura publica sche l'um ha era commess auters delicts. En la medema ustaria avev'insatgi gia engulà l'emna passada bavrondas e mangiativas.