Siglir tar il cuntegn

Header

cuntegn

Mantegniment da l'A13 Project tranter Giuvaulta e Reichenau duai cuntinuar mez mars

Sin l’autostrada A13 cuntinueschan las lavurs da sanaziun quest onn tenor plan, tranter Rothenbrunnen e Reichenau. Quai ha l'Uffizi federal da vias ASTRA annunzià. Per part sajan ils vials pli stretgs e per part stoppian ins charrar pli plaun che usità, quai per garantir ch'il traffic po circular vinavant. Il project da mantegnair la via vegn realisà en etappas, quai fin il 2029.

purtret da la via da l'A13 tranter ils dus vitgs.
Legenda: Il traject tranter Reichenau e Rothenbrunnen. Uffizi federal da vias ASTRA

Durant la stagiun da construcziun 2022 vegnan cuntinuadas las lavurs tranter Giuvaulta ed il portal dal sid dal tunnel Isla Bella. Quai per schlargiar là il trassé cun in vial da panna. Quel vegn l'entschatta duvrà sco access per il plazzal. Pli tard duain lura las organisaziuns cun glisch blaua duvrar quel per avair in access pli svelt al tunnel. Plinavant vegnan las lavurs da sanaziun vid la punt sur il Rain Posteriur, tranter ils tunnels Isla Bella e Plazzas cuntinuadas. L'atun 2022 duai vegnir cumenzà cun l'emprim tagl per la gallaria da segirtad tar il tunnel.

RTR novitads 12:00

Artitgels legids il pli savens

Scrollar a sanestra Scrollar a dretga