Siglir tar il cuntegn

Header

cuntegn

Marcus Caduff «Il Marcus d'avant 35 onns saveva strusch tgi che la regenza è»

Dapi trais onns è Marcus Caduff da l'Allianza dal Center cusseglier guvernativ en il Grischun, il 2022 presidiescha el la regenza. Cun il di da Bavania surprenda el il presidi da ses collega da partida, Mario Cavigelli.

I saja in'onur dastgar presidiar il gremi da la regenza, di Marcus Caduff. En ses temp d'uffizi veglia el vinavant represchantar il chantun Grischun sco chantun innovativ e che va novas vias. Quai saja gartegià durant la pandemia e quai veglia el mantegnair vinavant. Sper quai sa legria el da manar il gremi da tschintg er en temps nua ch'i dettia forsa ina u l'autra discussiun pli intensiva.

audio
Marcus Caduff – uffizi è in'onur
ord Actualitad dals 05.01.2022.
laschar ir. Durada: 5 minutas 19 Secundas.
Il Marcus Caduff d'avant 30-35 onns na saveva betg tge ch'in president da regenza fa. Probabel saveva el gnanc tgi che la regenza grischuna è.
Autur: Marcus Caduff president da la regenza grischuna

Pandemia, economia e clima

Ina da las grondas sfidas il 2022 resta la pandemia. Marcus Caduff è dentant da buna speranza da pudair communitgar en il decurs da l'onn novas pli legraivlas en quest connex, quai almain sch'ils experts han raschun. Sper quai giascha a cor ad el che la regenza vegn vinavant cun inqual auter tema sco la digitalisaziun ubain il Grischun sco patrun attractiv. Qua saja impurtant da carmalar firmas giuvnas e mussar a quellas ch'era il Grischun è attractiv sco patrun e lieu da viver. Quai cun rinforzar ils centers regiunals ed il campus da la Scol'auta spezialisada dal Grischun FHGR. Sper quai saja er il clima in punct impurtant, cun il Green Deal haja la regenza mussà si ina via co dar cunterpais a la midada dal clima. Sch'ins saja qua betg in pass enavos al svilup dal clima:

Il carstgaun dovra adina ina tscherta urgenza avant ch'el agescha, ina segunda dumonda è er tge summa daners ch'ins è pront d'investir.
Autur: Marcus Caduff president da la regenza grischuna
audio
Las tematicas centralas en ses temp sco president da la regenza
ord Actualitad dals 05.01.2022.
laschar ir. Durada: 7 minutas 30 Secundas.

RTR actualitad 12:00

Artitgels legids il pli savens

Scrollar a sanestra Scrollar a dretga