Siglir tar il cuntegn

Header

cuntegn

Marsch da protest A Cuira è vegnì demonstrà encunter las mesiras da corona

A Cuira è vegnì demonstrà oz encunter las mesiras da corona e la lescha da Covid-19. Radund 2'000 persunas han prendì part a la demonstraziun lubida. Sa rimnadas èn las persunas enturn las 13:00 tar la Turnerwiese a Cuira. Da las 14:00 han ellas cumenzà cun il cortegi tras la citad e puspè enavos sin la Turnierwiese.

Là han lura differentas persunas fatg pled. Bleras participantas e blers participants avevan cun sai ina bandiera da la Svizra u dals chantuns Uri, Turgovia e Sutsilvania. Differents purtavan era placats. Sin ils banners han ins pudì leger: «Kein Zertifikat», «Freiheit», «Diktatur», «Stopp den irren Massnahmen, zurück zur Selbstbestimmung», «Impfzwang». En globo han las persunas clamà: «libertad».

Demonstraziun paschaivla

Igl èn er vegnidas persunas d'auters chantuns en Grischun per demonstrar. Era la gruppaziun Freiheitstrychler era da la partida cun sias plumpas. La demonstraziun saja stada fitg raussaivla. La bilantscha da la polizia da la citad da Cuira saja positiva, ha il cumandant Ueli Caluori ditg sin dumonda da RTR. Enturn las 16:30 èn ils blers lura ids a chasa.

RTR novitads 15:00

Artitgels legids il pli savens