Sta. Maria, la fracziun amez la Val Müstair ha stgars 300 abitants. Ma actualmain vivan en relaziun fitg bleras famiglias giuvnas cun uffants a Sta. Maria - almain 15 famiglias datti cun uffants pitschens u che van a scola.
Ina quantitad surprendenta per ina fracziun pitschna. A Sta. Maria datti 2 stizuns, ina da quellas è la furnaria; lura ina batgaria, la Tessanda e diversas utsarias, hotels e divers manstergnants. A Sta. Maria van era a scola tut ils scolars dal stgalim aut da la Val Müstair.
Ina famiglia cun 3 uffants che van a scola è la famiglia Roussette. Ad els plaschi a Sta. Maria pervia ch'ins enconuscha in l'auter e pervia ch'i saja in bel lieu per uffants per crescher si. Atgnamain na dettia quai nagut che manca a Sta. Maria, di Ramona Roussette.
Unicamain ils lungs viadis ch'i dat sche in uffant sto per exempel ir tar in medi spezialisà u insatge sumegliant èn magari stentus.