La via amez Sta. Maria è stretga. Uschia stretga ch'ins na po betg cruschar sin in toc da passa 50 meters. En il lieu il pli stretg na cruschan gnanc in auto ed in pedun. Durant la stad èsi fitg bler traffic tras Sta. Maria. Autos che vegnan u van vers il Tirol dal sid u lura sur il pass da l'Umbrail vers la Vuclina. Perquai datti lura magari colonnas tras Sta. Maria. Ils indigens èn dià quai.
.
Ils autos ston spetgar per passar in suenter l'auter, ma quai na funcziuna betg adina uschia simpel.
.
.
.
.
.
Alice Lemm viva dapi decennis gist en il lieu il pli stretg da la vischnanca. Ella ha vis ed udì che betg mintga auto u camiun passa senza problems tras il stretg.
.
.
Quest camiun blau è stgadanà en la chasa dad Alice Lemm l'onn 1990. Suenter hai duvrà ina acziun pli gronda per allontanar il camiun. Quai è stà ina attracziun per tuts quella giada. En il lieu stretg hai perfin dà possessurs da chasa che han stuì empitschnir il balcun suenter che camiuns avevan stratg giu diversas giadas il balcun.
.
.
.
.
Insumma, camiuns ston manevrar bain per passar a Sta. Maria tras il lieu stretg.
.
.
.
.
.
.
Il stretg a Sta. Maria, per ina giada senza traffic. Vid ils mirs ves'ins bain ils fastizs da quels ch'èn passads senza success.