Siglir tar il cuntegn

Minoritads en l'Europa Ils Rumantschs - paucs, ma bain tgirads

Oz discurran anc circa 60'000 persunas la quarta lingua naziunala Svizra, il rumantsch.

Legende: Video Ils Rumantschs abspielen. Laufzeit 27:00 Minuten.
Or da Cuntrasts dals 10.02.2013.

Dapi 1938 è il rumantsch lingua naziunala da la Svizra e dapi 1996 ina lingua uffiziala parziala. Oz consista la minoritad linguistica da radund 60’000 persunas che discurran in dals 5 idioms. 1950 era anc enturn 30% da la populaziun grischuna rumantscha, sia cumpart è dentant sa reducida fin oz per la mesadad. Ils davos 15 onns è la preschientscha generala dal rumantsch sa meglierada pervi da las stentas statalas, ma er cun schlargiar l’offerta en las medias, en emprima lingia en il radio. Las scolas primaras han tuttina stenta da surviver. En las regiuns turisticas datti adina dapli scolas bilinguas; scolas pitschnas rumantschas svaneschan ed ils uffants ston frequentar scolas tudestgas regiunalas.

Il grischun talian Paolo Tognina ha realisà per Radiotelevisiun Svizra Rumantscha in purtret da la Rumantschia, quai sco ultima part da la seria "Minoritads en l'Europa".