Siglir tar il cuntegn

Header

cuntegn

Museum da natira Dinosaurs en il Grischun

Dapli che 200 milliuns onns èsi enavos, che dinosaurs èn chaminads enturn sin la terra dal Grischun.

audio
Il svilup da la persctutaziun da dinosaurs en Grischun
ord Actualitad dals 18.03.2022.
laschar ir. Durada: 3 minutas 12 Secundas.

Sin muntognas Grischunas han exploraturas ed exploraturs chattà fastizs da dinosaurs. Las grondas foras en furma dad in pe sin plattas da grip, demussan il tip e la grondezza da l'animal. Sin il Piz S-chalambert a Scuol han ins chattà fastizs cun numer da chalzers 40. Quest animal saja tenor il professur da l’Universitad da Basilea, Christian Meyer, circa stà dus fin trais meters grond. Sin il Piz Mitgel a Savognin haja quai fastizs pli gronds. Circa numer da chalzers 70, quai correspunda ad in dinosaur da passa sis fin otg meters.

Fastizs da dinosaurs sin platta da grip
Legenda: Fastizs da dinosaurs sin il Piz Mitgel Keystone

Tecnicas per l'alpinissem

Per eruir ils fastizs dals dinosaurs dovran ils exploraturs e las exploraturas tecnicas modernas, ch'èn sa sviluppadas ils ultims 10 onns. Els fan fotografias cun dronas ed elavuran questas cun programs cumplitgads da 3D. L'avantatg è ch'els n'han betg dad ir mintga giada avant lieu. Las turas en la grippa fin tar ils fastizs portan numnadamain sfidas.

En las muntognas en il chantun Grischun ston ins liar tut vi d'ina suga.
Autur: Christian Meyer Professur da l'Universitad da Basilea

RTR actualitad 11:00

Artitgels legids il pli savens

Scrollar a sanestra Scrollar a dretga