Katharina Beisiegel è la nova directura dal Museum Kirchner a Tavau. Quai ha il cussegl da fundaziun decis. L'istoricra d'art da 40 onns haja profundas enconuschientschas da Kirchner, uschia hai num en la communicaziun. Tranter auter ha ella gia realisà exposiziuns davart Kirchner a Bonn ed a Ravensburg. A Tavau ha ella gia curatà l'exposiziun davart ils cudeschs da skizzas da Kirchner.
Katharina Beisiegel ha luvrà otg onns al center d'art da Basilea, il davos sco vicedirectura. Sper las exposiziuns da Kirchner ha ella era curatà ina davart Pablo Picasso a Vancouver ed ina sur d'architectura da museums al Musée d'art et d'histoire a Genevra.
Ord l'Archiv
Ina visita a Tavau en il museum da Kirchner, 2008
video
Kirchner-Ausstellung
Or da Telesguard dals 29.11.2008.
laschar ir. Durada: 2 minutas 39 Secundas.