Siglir tar il cuntegn

Header

audio
Il duo DUS cun lur versiun rumantscha da «Teenage Dirtbag»
Or da Actualitad dals 04.02.2022.
laschar ir. Durada: 4 minutas 24 Secundas.
cuntegn

Musica rumantscha «Teenage Dirtbag» per rumantsch

Il duo «DUS» David Friedli e Gino Carigiet han creà ina versiun rumantscha dal hit mundial «Teenage Dirtbag» da la band da rock americana «Wheatus». La versiun rumantscha ha num «Giuven Grischuner».

Il vocalist grischun da «DUS» Gino Carigiet ha translatà la chanzun en rumantsch, suenter la versiun rumantscha da «079» è quai la segunda chanzun da cover rumatscha dal duo «DUS». Als dus musicists èsi impurtant da far pli accessibel il linguatg rumantsch a la publicitad e da s'engaschar per dapli toleranza.

Cun tadlar la chanzun m'è dà en egl l'emprima frasa «Her name is Noelle.» perquai ch'il num e unisex ed ins na sa betg sch'i sa tracta dad in um u ina dunna. Quai m'ha motivà da translatar il text per rumantsch.
Autur: Gino Carigiet vocalist da DUS

En l'original s'inamurescha in giuven marginal en ina giuvna che na para betg da far stim dad el. En la nova versiun rumantscha giaja per in giuven grischun che s'inamurescha en insatgi da Turitg durant la stagiun d'enviern. Sche um u duna vegn conscientamain laschà avert.

Cun il video tar la chanzun vulain nus provocar in pau e surtut far attent sin dapli toleranza.
Autur: Gino Carigiet vocalist da DUS

En il video da DUS èn ils protagonists dus umens. Gino Carigiet di, ch'els hajan sappientivamain vulì provocar in zic ed er far attent sin in tema che saja per part anc adina tabu. Els hajan survegnì ina massa resuns, quels sajan tuts stadas positivs. Al duo DUS èsi fitg impurtant da s'engaschar per dapli toleranza.

Nus avain survegnì ina massa resuns, quels èn surtut positivs. Era da la communitad dad LGBTQ, quai che fa grond plaschair.
Autur: Gino Carigiet vocalist da DUS

RTR actualitad 11:00

Artitgels legids il pli savens

Scrollar a sanestra Scrollar a dretga