Jasmin Bearth e Svenja Tomaschett han cumenzà a chantar ensemen en chors d’uffans. Ellas scrivan atgnas chanzuns en rumantsch ed englais e dattan in pèr concerts. Or da Jasmin e Svenja nascha il duo Jenja. Uss vulan ellas far musica endretg. Cun sis chanzuns scrittas sezzas han ellas tschertgà in producent e chattà Marcus Petendi e ses Flat Peak studio a Cuira. Ina constellaziun che fa immediat clic.
Nos producent Marcus Petendi ha fatg insatge or da nus. El ha mussà co nossa musica pudess tunar. Esser cun Marcus el studio è sfundrar dal tuttafatg en la musica – nus avain emprendì ina massa.
Jenja èn idas cun ideas simplas en il studio ed han producì ensemen cun Marcus Petendi ina EP cun sis chanzuns rumantschas ed englaisas plain muments poppigs e tschiffants. Lur debut vegn edì il december.