La vischnanca da Tavau preschenta suenter renfatschas d'antisemitissem da l'onn passà mesiras per integrar giasts gidieus. En collavuraziun cun l'uniun svizra israelita da vischnancas èn vegnidas elavuradas 10 mesiras preventivas. Quellas duain garantir il respect vicendaivel en l'avegnir. Tranter auter vegn endrizzà in post da consultaziun per ils giasts gidieus.
Ospital da Tusaun serra temporarmain la staziun da parturir
A partir dal prim da settember ston las dunnas da la regiun da Tusaun ir a parturir temporarmain en l’Ospital chantunal a Cuira. Cun questa mesira reagescha l'ospital da Tusaun sin la mancanza acuta da persunal. La purschida en connex cun controllas da gravidanza e ginecologia resta sco d'enfin uss. Las delegadas ed ils delegads da las vischnancas pertutgadas decidan probablamain quest’atun davart l'orientaziun strategica dal futur da l’ospital da Tusaun e sia paletta da prestaziuns.
A13 vegn puspè averta sin in vial per direcziun
A partir da venderdi bun'ura las 05:00 po il traffic da transit puspè charrar sur la ruta dal San Bernardino. Duas emnas suenter las malauras desastrusas en la Mesolcina vegn l'autostrada puspè averta sin mintgamai in vial.
Las novitads da la gievgia
Themen in diesem Newsticker
- Partida da «Labour» gudogna elecziuns en Gronda Britannia
- Wawrinka perda segunda runda a Wimbledon
- Chantun Tessin quinta cun ulteriuras malauras
- Nova mainafatschenta per la chasa d'attempads da la Lumnezia
- Scumandà da far bogn en il flum Maggia
- Mintga quart emprendist interrumpa l'emprendissadi
- Betg pli pussaivel da parturir uffants a Tusaun per in temp
- En Svizra è la chareschia sa reducida levet
- Trid'aura e paucs giasts
- Suenter eclat d'antisemitissem – Tavau preschenta 10 mesiras