Novitads dals 22-07-2024 - Panna d'IT pudess esser chara per l'interpresa responsabla
La plazza aviatica da Turitg vul prender pass giuridics suenter ina panna d'IT. Suenter l'accident d'in vagun da la Viafier retica avant paucs dis, vegnan las circumstanzas scleridas pli da rudent. Ed en ils Stadis Unids procura Joe Biden per in plum, cun retrair sia candidatura.
La plazza aviatica da Turitg ponderescha da far pass giuridics, suenter ch'ina panna d'IT mundiala il venderdi passà ha procurà per gronds disturbis. Quests disturbis avevan bloccà numerus eroports sin l'entir mund, e blers auters secturs sco bancas ed ospitals.
In accident cun in vagun da la Viafier retica vul il servetsch svizzer d'inquisiziun da segirezza Sust examinar pli da rudent. Il vagun era rullà senza controlla da la lingia dal pass Bernina giu vers Puntraschigna. Cun ir la finala sur ils binaris ora, era quel vegnì donnegià dal tut.
Joe Biden desista tuttina da candidar anc ina giada per il presidi american. Enstagl propona el sco candidata la vicepresidenta actuala Kamala Harris. Quella ha curt pli tard confermà d'esser pronta per il cumbat cunter il candidat dals republicans Donald Trump.
Il di en survista
Themen in diesem Newsticker
Avant 55 onns ha l'emprima persuna mess pe sin la glina
Examinaziun davart vagun ch'è ì sur ils binaris ora a Bernina
9 kilometers colonnas avant il Gottard
Eroport da Turitg vul indemnisaziuns per panna d'IT
Tennis: Simona Waltert gudogna l'emprima runda a Iasi (ROU)
En Svizra è pli che la mesadad da la glieud giuvna trenada bain
Malauras en Svizra Orientala
Donns en Mesolcina n'èn anc betg quantifitgabels
Taiwan exercitescha defensiun cunter China
Pogacar gudogna il Tour de France per la terza giada
