Siglir tar il cuntegn

Header

Legenda: MAD
cuntegn

Orticultura Chantun sustegn midada da lieu d'ARBES

La regenza grischuna conceda ina contribuziun da maximal 456'000 francs per la midada da lieu da l'orticultura ARBES. Ils bajetgs e las installaziuns da la ARBES ston far plaz al project d'engrondir la clinica Waldhaus.

lls indrizs d'orticultura vegnan spustads sin areals en vischinanza. Da nov datti ina serra stgaldada cun 500 meters quadrat surfatscha ed in tunnel da folia cun 170 meters quadrat. La ARBES surprenda era pastgiras ed ers sur la clinica ch'eran cultivads fin uss dal Plantahof. Plinavant duai dar in pavigliun sco magasin e per star a susta da schletta aura.

La ARBES porscha 33 plazzas da lavur e tutga tar ils lavuratoris protegids per persunas cun impediment dals Servetschs psichiatrics dal Grischun PDGR. Ils cust totals per il project èn 570'000 francs.

RTR novitads 16:00

Artitgels legids il pli savens

Scrollar a sanestra Scrollar a dretga