Siglir tar il cuntegn

Ospital tut persunal Isabel Costa - gia la mesadad da sia vita a Scuol

Sco giuvna da 20 onns ha ella decis spontanamain da bandunar il Portugal e da vegnir a lavurar in Svizra. Dapi 25 onns lavura ella ussa en l'ospital a Scuol

Legende: Video Sco giuvna da 20 onns è ella vegnida en Engiadina abspielen. Laufzeit 2:30 Minuten.
Or da RTR dals 11.12.2017.

In'amia dad Isabel Costa ha animà ella da ristgar quest pass, bandunar la patria ed ir a l’ester a lavurar. Avant 25 onns ha ella chattà ina plazza a Scuol e dapi quella giada è Isabel Costa dachasa a Scuol.

Chattar amicizia a Scuol era l'emprim temp fitg difficil. Ils emprims mais eran dirs e la decisiun da restar steva sin chommas falombras. La mentalitad engiadinaisa, la retegnientscha envers esters era gronda. Ma bainbaud ha ella chattà la colliaziun e pli tard perfin da maridar.

Return a chasa n'è nagina opziun

Oz viva Isabel Costa ensemen cun ses um e dus uffants a Scuol. Per ella na vegn in return en sia patria betg en dumonda. Ses uffants èn naschids e creschids si en l'Engiadina.

Il contact cun la famiglia en il Portugal è anc adina stretg, ma in inscunter datti sulettamain durant las vacanzas.

RR actualitad 12:00