Siglir tar il cuntegn

Ospital tut persunal Per mai è la lavur en la tgira stà in nov cumenzament

D'avair bandunà la Germania per chattar lavur en Svizra, vesa Bastian Pöschla per sasez e per sia famiglia sco gronda schanza. Entant saja l’Engiadina daventada lur patria.

Purtret da Bastian Pöschla.
Legenda: Bastian Pöschla lavura sco gidanter en la Chasa per attempads e tgira Promulins a Samedan RTR, Anna Caprez

Bastian Pöschla aveva oriundamain emprendì da miradur en la vischinanza da Berlin. Pervia da mancanza da lavur ha el pliras giadas gì da midar lieu ed ir en tschertga d'ina nova occupaziun. Il 2006 ha el l’ultima giada fatg midada ed è partì dal nord da la Germania en direcziun Svizra. E quai senza savair tge ch'al spetga precis en l'Engiadina.

Bleras plazzas stagiunalas

Suenter che l’um da 42 onns aveva lavurà per in'interpresa a San Murezzan, ha el midà plazza tar las Pendicularas Engiadina Mountains. Cunquai che quella lavur era però mo stagiunala, ha el lura midà en il sectur da sanadad.

Atmosfera cordiala

Bastian Pöschla lavura uss sco gidanter en la Chasa per attempads e tgira Promulins a Samedann, nua che persunas da bleras differentas naziunalitads lavuran. Tut en tut funcziuneschia la lavur fitg bain ed el e sia famiglia sa sentian entant fitg bain a Samedan.

RR actualitad 07:00