Siglir tar il cuntegn

Ospital tut persunal Silva-Ramos: «Mes temperament mexican n’è betg adattà a mintgin»

Entant che sias ragischs latinas èn idealas per avair in bun fil per exempel cun pazientas portugaisas, ha Riccardo Silva-Ramos da dosar ses temperament tar auters clients.

um mexican cun barba
Legenda: Riccardo Silva-Ramos è entant da chasa en Engiadina. RTR, D. Spinnler

Riccardo Silva-Ramos lavura dapi 15 onns en l'Engiadina sco ginecolog. Avant ch’el è rivà a Samedan, ha il Mexican lavurà en il chantun Schaffusa. La vita en l'Engiadina n'al plascha betg mo pervi da la criminalitad bunamain betg existenta. Er l’autezza è d’avantatg per il Mexican ch'è creschì si en ina regiun sin 2100 meters sur mar.

MintginA è spezialA

A l’entschatta saja sia lavur en Svizra stada difficila. Quai surtut cunquai che Riccardo Silva-Ramos è da lingua materna spagnola. El haja l’emprim gì da gudagnar la fiduzia da sia clientella. Entant sa senta il Mexican ordvart bain e giauda er l’internaziunalitad en l’Ospital regiunal a Samedan. Impurtant è tenor el ch’ins piglia mintga persuna singula sco ch’ella è.

RR actualitad 11:00