Siglir tar il cuntegn
Inhalt

Ospital tut persunal Sophia Groen en tschertga da las muntognas

Muntognas na datti naginas en l'Ollanda. Sophia Groen è skiunza passiunada. Spontanamain è ella s'annunziada per ina plazza sco tgirunza da malsauns en l'ospital a Scuol ed è s’inamurada en l’Engiadina Bassa.

Sophai Groen, lavura tal il servezzan d'uregenzza
Legenda: Sophia Groen lavura tar il servetsch d'uregenza en l'ospital a Scuol. CSEB

Set onns è Sophia Groen gia en l'Engiadina Bassa. Ir a chasa vul dir per ella, turnar en l'Engiadina e betg mo en l'Ollanda. Las turas cun ils skis, las turas da skis en la naiv che spulvra, quai è la gronda passiun da la tgirunza da malsauns.

A Vnà, ina fracziun dal vitg da Valsot ha ella cumprà dacurt ina chasa. Sophia Groen ha decis definitivamain da restar en l'Engiadina e da lavurar en l'ospital a Scuol. Proximamain mida ella intern en in auter team. Nov tutga ella tar il team dal servetsch d’urgenza. Ella s’allegra sin la nova sfida e sin il nov dachasa en il pitschen vitg sin 1600 meters sur mar.

RR actualitad 08:00