Siglir tar il cuntegn

Header

video
Pli paucs laschan far tests en l'apoteca
Or da Telesguard dals 11.10.2021.
laschar ir
cuntegn

Pajar tests ord atgna bursa In levgiament per las apotecas

A partir da glindesdi ston persunas pajar sez il test per survegnir in certificat. Uschia va la decisiun dal Cussegl federal d’avant duas emnas definitivamain en vigur. Quai munta pli paucas colonnas avant las apotecas.

La colonna avant l’apoteca Steinbock a Cuira è pli curta ch’anc avant in’emna. Tenor la manadra da l’apoteca Monika Fehr haja dà 60% damain reservaziuns cumpareglià cun in di ch’ils tests eran anc gratuit.

audio
Pajar sezs ils tests munta pli pauc colonna avant las apotecas
02:21 min, Actualitad dals 11.10.2021.
laschar ir. Durada: 02:21 minutas.

Betg dapertut tuttina char

 En l’apoteca Steinbock custa in test per survegnir il certificat da nov 47 francs. Tenor Monika Fehr sajan ins sa decidì per il pretsch che la Confederaziun haja proponì. I valia dentant la fiera libra.

Jau poss far dar 1'000 francs per il test u laschar el gratuit.
Autur: Monika Fehr manadra d'apoteca Steinbock

In grond levgiament

Monika Fehr è cuntenta ch’i dat ussa puspè damain da far. Ils davos mais saja ses persunal adina puspè vegnì als cunfins. Durant dis intensivs hajan pli che 10 persunas lavurà il medem mument en l'apoteca. La situaziun pli ruassaivla fetschia bain a tuttas collavuraturas e collavuraturs.

 

RTR acutalitad 17:00

Artitgels legids il pli savens

Scrollar a sanestra Scrollar a dretga