Per casualitad saja l’animal vegnì fotografà d’ina camera da surveglianza en il curtin d’ina chasa privata a Panaduz. Quai ha communitgà l’Uffizi da chatscha e pestga. L’ultima cumprova d’ina ludra en il Grischun dal Nord dateschia dal 2018. Tenor l’uffizi vegni a sa mussar, sche las ludras pon sa mantegnair en l’intschess dal Rain alpin, ubain sch’i sa tractia d’animals singuls ch’immigreschian mintgamai be per in curt temp.
Ludras en Engiadina
Per lung da l'En en l'Engiadina vegnan ludras cumprovadas regularmain dapi l'onn 2017. A partir da l'atun 2021 prevesa l'Uffizi da chatscha e pestga da far in monitoring sistematic da las ludras, cun il qual duai vegnir registrada regularmain la derasaziun da questa spezia d'animals en l'entir chantun.
Ord l'archiv
Bellezza purtrets d’in animalet che nagin ha anc vis – la ludra. Grazia a cameras da notg ha il guardiaselvaschina Thomas Wehrli pudì observar la ludra che viva en l’Engiadin.