Il Parc Adula ha infurmà en set lieus

Las sairas d’infurmaziun davart il project Parc Adula èn a fin. Ils promoturs dal parc fan ina bilantscha positiva.

Passa 100 persunas han visità l'ultima saira d'infurmaziun a Valragn. Bild in Lightbox öffnen.

Legenda da maletgs: Passa 100 persunas han visità l'ultima saira d'infurmaziun a Valragn. RTR, F. Belotti

Bain haja quai dà vischnancas cun dapli votums negativs, ma era autras cun dapli votums positivs, di Fabrizio Keller il president da l’Uniun Parc Adula. Surtut da la Surselva sajan vegnids ils pli blers votums negativs. A la saira d’infurmaziun da mesemna saira a Sumvitg, haja quai malgrà ina decisiun preliminara da la radunanza communala cunter il parc, dà blers votums positivs. Fabrizio Keller ha pia anc la speranza, che Sumvitg pudess tuttina anc approvar il parc.

Ils responsabels dal parc Adula han infurmà a Rossa, Olivone, Mesocco, Val, Vrin, Sumvitg e Valragn.

RR actualitad 07:00