Siglir tar il cuntegn

Header

Legenda: Jambolina va a spass ad Arosa Keystone
cuntegn

Parc d'urs Arosa Jambolina è morta

La pli nova abitanta dal parc d'urs ad Arosa è morta la gievgia avantmezdi durant in'operaziun. L'ursa Jambolina ha chalà da trair flad durant la narcosa. Ils veterinaris han empruvà da spendrar ella, dentant senza success. L'operaziun dueva tractar ils dents e castrar l'ursa.

Nus essan incredibel trists.
Autur: Pascal Jenny President fundaziun urs Arosa

Pertge che l'ursa è mort n'è anc betg cler. Quai vegn uss intercurrì a Turitg.

Jambolina ord l'Ucraina

Ils 11 da december 2020 è l'ursa brina arrivà ad Arosa suenter in lung viadi ord l'Ucraina. Naschida 2009 en in zoo sin la Crimea è ella vegnida vendida e trenada per il circus. Pervi da la pandemia n'hai betg pli dà engaschis per il possessur e l'ursa ha vivì en in chaset pitschnin en ina garascha. Il possessur sez ha tschertgà ina schliaziun. El ha chattà quella ad Arosa.

Plaz per tschintg urs

Ad Arosa vivan momentan anc ils dus urs Meimo ed Amelia. Schon il November 2020 ha l'urs Napa stuì vegnir durmentà pervi d'epilepsia.

video
Urs Napa – l'emprim abitant dal parc d'urs ad Arosa è mort
Or da Minisguard dals 07.11.2020.
laschar ir


Malgrà ch'il parc avess plaz per tschintg urs na pensan ins anc betg vid in nov urs, di Pascal Jenny, els sajan en malencurada.

Parc d'urs ad Arosa

Avrir la box Serrar la box
  • avertura ils 3 d'avust 2018
  • claus da 28'000m2
  • 5 stallas

RTR novitads 17:00

Artitgels legids il pli savens

Scrollar a sanestra Scrollar a dretga