Siglir tar il cuntegn

Header

En l'avegnir po il Parc Ela far anc dapli per la biodiversitad.
Legenda: En l'avegnir po il Parc Ela far anc dapli per la biodiversitad. RTR, Federico Belotti
cuntegn

Parc Ela Dapli daners per projects

L’uniun Parc Ela po realisar projects supplementars ils proxims tschintg onns. La confederaziun ed il chantun han approvà la summa annuala da 1,5 milliuns francs enfin il 2024.

Dentant ch’il chantun paja vinavant quasi in mez milliun francs ad onn vi da projects, ha la Confederaziun augmentà sia contribuziun per radund 40% sin dapli ch’in milliun francs ad onn. Sco quai ch’il Parc Ela scriva en ses davos Newsletter, saja uschia pussaivel da realisar dapli projects. Trais plazzas novas sajan gia vegnidas occupadas. Ina plazza nova promovia la biodiversitad ed ils insects, ed en il sectur da la furmaziun dettia ina segunda plazza.

Grazia las novas resursas saja era pussaivel d’augmentar il servetsch dal ranger dal Parc Ela, e da drizzar en in post d’infurmaziun a Casti. Da nov surpiglia il Parc Ela da la Regiun Alvra ils projects en connex cun la promoziun da products regiunals ed il svilup da l’economia sin basa persistenta.

RTR novitads 06:00

Artitgels legids il pli savens

Scrollar a sanestra Scrollar a dretga