A Grüsch è il project per ina nova halla polivalenta che duai remplazzar la veglia in pass enavant. Suenter la suprastanza ha ussa era la radunanza communala predeliberanta approvà il credit per il project. Il credit brut da radund 14 milliuns francs ha la radunanza decidì cun 108 encunter 1 vusch. La votaziun a l'urna è ils 15 da matg.
Per la nova halla polivalenta aveva la vischnanca da Grüsch decidì l'onn passà da far ina reserva dad 1 milliun francs, perquai ch'il quint 2020 aveva serrà cun bun resultat.