Siglir tar il cuntegn

Header

Legenda: Malgrà che blers han gia votà vegn er dumengia proxima anc votà a l'urna, sco qua en Val Medel. Keystone
cuntegn

Particpaziun da votar Vischnancas quintan cun pli auta participaziun

Diversas vischnancas pli grondas en il Grischun quintan dumengia cun ina participaziun da votar da passà 50%.

audio
Co statti cun la participaziun da votar en il Grischun?
02:31 min, Actualitad dals 25.11.2021.
laschar ir. Durada: 02:31 minutas.

Las bleras vischnancas Grischunas dumandadas quintan cun ina pli auta participaziun da votar che usità. Per exempel a Tavau quinta il chanzlist Michael Straub cun ina participaziun da radund 55% – quai èn circa 10% dapli che uschiglio. Fin mesemna avevan numnadamain passà 37% gia dà giu la vusch. Ina pli auta participaziun da votar sa mussa tranter auter er tar las vuschs nunvalaivlas. Tavau controllescha numnadamain gia uss sche l'attest da votar è avant maun e suttascrit. Tar votaziuns cun ina auta participaziun dettia per ordinari pli bleras vusch nunvalaivlas perquai ch'er persunas che n'èn betg uschè disadas da votar van a votar, uschia Michael Straub.

Nus avain gia uss dapli vuschs nunvalaivlas che tar la davosa votaziun il settember. Ed uschia vesan ins che la participaziun è pli auta, perquai che pli blers che n'èn betg disads van a l'urna.
Autur: Michael Straub chanzlist Tavau

Sumegliant guarda quai er or a Landquart, là avevan fin mesemna 35% gia da giu lav vusch ed il chanzlist Florian Niggli è persvas ch'ins vegnia segiramain sur 40% fin la dumengia. Autras vischnancas sco per exempel San Murezzan u Cuira avevan gia la mesemna cuntaschì passa 40%. Auter guarda quai or en Lumnezia, là han be radund 27% gia votà. Fin dumengia quinta il responsabel Giusep Capeder dentant cun 45% fin 50% participaziun. Er cun dapli che 50% quinta il chanzlist da Domat Lucas Collenberg. Cun ina pli auta participaziun quintan er Mustér, Surses e Glion – prognosas na vulan ils responsabels dentant betg far.

Artitgels legids il pli savens

Scrollar a sanestra Scrollar a dretga