Las pendicularas grischunas han – cuntrari il trend svizzer – pudì nudar ina buna stad fin la fin d'avust. Cumpareglià cun las cifras dal matg fin avust 2019, avant corona 2019, è la svieuta creschida per passà in quart. Il dumber dals giasts è creschì per 18%. En il rest da la Svizra è la svieuta dentant crudada ensemen en media per bun 30%, communitgeschan las pendicularas svizras.
Quai che pertutga l'aura, saja l'avust bain stà meglier ch'il zercladur e fanadur, uschia che las perditas sajan sa reducidas levet cumpareglià cun ils ultims mais. Plinavant simplifitgeschia la renconuschientscha dals certificats da covid da la Svizra e l'UE il turissem europeic. Er emprims turists dals Stadis Unids vegnian puspè en Svizra.