La vischnanca da Valragn è pronta da gidar a sanar las pendicularas Tambo SA a Spleia. La radunanza communala da venderdi saira ha ditg Gea als tschintg puncts dal plan da sanaziun.
Uschia vegnan 891'000 francs debits, che las pendicularas Tambo SA han envers la vischnanca, midads en aczias per la vischnanca. Plinavant cumpra lezza per 98'680 francs novas aczias da las pendicularas. La vischnanca Valragn, in investider e la Artis Finance GmbH possedan suenter quella sanaziun mintgamai 28% da las aczias da la Tambo SA.
La situaziun da partenza (Telesguard archiv)
Gea a credits e budget
Plinavant la radunanza communala detg Gea ad in credit da 530'000 francs per la sanaziun da la via Mettelmatt a Medels e 575'000 francs per la sanaziun da la via Furra a Nufenen. Igl è era vegnì decidì da laschar il pe da taglia tar 100% da la taglia chantunala simpla. Il budget 2022 è vegnì approvà unanimamain. Il quint da gudogn e perdita prevesa in gudogn da 188’580 francs.