Siglir tar il cuntegn

Header

video
Per tge vai en l’iniziativa cunter tests d'animals?
Or da Telesguard dals 03.02.2022.
laschar ir. Durada: 1 minuta 30 Secundas.
cuntegn

Per tge vai? Iniziativa per scumandar experiments cun animals ed umans

L’iniziativa vul scumandar experiments cun animals ed umans en Svizra. Era l’import da products ch’èn vegnids sviluppads cun tals experiments duai vegnir scumandà. Il Cussegl federal ed il parlament vesan memia gronds dischavantatgs e refusan l'iniziativa. Ils 13 da favrer decida il suveran.

Oz èsi lubì d’experimentar cun animals en Svizra, sco en blers auters pajais er. Quai vegn fatg per sviluppar medicaments e terapias. Cumpareglià cun l’entir mund ha la Svizra ina da las pli severas leschas per experiments d’animals – Quels èn be lubì sch’i na dat naginas alternativas.

Lantschà l’iniziativa dal pievel han burgais dal chantun Son Gagl. Var 80 organisaziuns e fatschentas sustegnan l’iniziativa. Tranter quels represchentants da la Partida socialdemocrata e Verds, sco er gruppas che s’engaschan per la protecziun d’animals. Betg da la partida è però la Protecziun svizra dals animals. Tenor l’organisaziun naziunala vegniss la Svizra isolada tar in Gea.

Il Cussegl federal ed il parlament refusan l’iniziativa dal pievel. En omaduas chombras n’hai dà gnanc ina vusch da Gea. La raschun: l’iniziativa saja memia extrema e possia far donn a la Svizra.

Tge capita tar in Gea u tar in Na?

Avrir la box Serrar la box

Per in Gea sto la maioritad dal pievel sco er dals chantuns sustegnair l’iniziativa. Cunquai ch’il Cussegl federal ed il parlament n’han betg elavurà ina cuntraproposta resta tar in Na tut sco fin qua.

L'iniziativa ha in grev stan en la politica: Gnanc ina solia partida sustegn las pretensiuns.

Ils 13 da favrer decida la Svizra tut en tut davart quatter fatschentas.

Dossier online

Avrir la box Serrar la box

Sin in clic tut quai ch'igl è da savair avant che votar: rtr.ch/votaziuns

RTR votaziuns 2022

Artitgels legids il pli savens