Siglir tar il cuntegn

Header

audio
VOT 15-05 Per tge vai – Participaziun svizra a la Frontex
Or da Actualitad dals 28.04.2022.
abspielen. Laufzeit 4 minutas 22 Sekunden.
cuntegn

Per tge vai? Participaziun svizra a la Frontex

Cussegl federal e parlament vulan che la Svizra sa participeschia a las mesiras per rinforzar l'organisaziun europeica da la guardia da cunfin e da costa. Concret vai per auzar la contribuziun svizra da 24 sin 61 milliuns francs ad onn e metter a dispoisziun var 40 guardias da cunfin fin il 2027.

La Svizra tutga tar la rait da segirezza da Schengen. L'Agentura europeica da la guardia da cunfin e da costa (Frontex) sustegna a moda operativa ils stadis da Schengen, per controllar ils cunfins exteriurs dals stadis. La Svizra collavura dapi passa 10 onns cun la Frontex. Dapi il 2019 vegn Frontex rinforzada cun dapli daners e persunal en l'Uniun europeica. Quai per il motiv che la lavur vegn adina pli pretensiusa. Il Cussegl federal ed il parlament han decidì che la Svizra duai surpigliar sia part tar questa refurma. Encunter questa decisiun hai dà il referendum.

Sche la Svizra refusa da sa participar a quest svilup dal spazi da Schengen e da la Frontex, finescha la collavuraziun cun ils stadis da Schengen e Dublin automaticamain. Auter che sch'ils stadis da l'UE fissan pronts da vegnir encunter a la Svizra. 

Ils adversaris argumenteschan che la Svizra stuess entras la cofinanziaziun, era responsar tschertas violaziuns da dretgs umans che vegnissan commessas entras Frontex. 

Tge capita tar in Na?

Avrir la box Serrar la box

Sche la Svizra di Na al svilup dal territori da Schengen e la Frontex, finescha automaticamain sia collavuraziun cun ils stadis da Schengen e Dublin. Auter che sche la cumissiun da l'Uniun europeica vegniss encunter a la Svizra.

Dossier online

Avrir la box Serrar la box
Dossier online
Legenda: Grafica RTR

Sin in clic tut davart las votaziuns dals 15 da matg.

RTR votaziuns

Artitgels legids il pli savens

Scrollar a sanestra Scrollar a dretga