Siglir tar il cuntegn

Header

cuntegn

Persistenza ed ecologia Alpinavera valitescha products regiunals

Ils products regiunals che l'organisaziun Alpinavera promova survegnan ina scala dad ampla. Cun marcar las mangiativas cun ina scala dad A fin E vegnian ils products valitads tenor l'effect sin l'ambient e la persistenza, scriva l'Uffizi chantunal per agricultura. Valità hajan ins durant l'entir mais d'avrigl 2'400 products regiunals dal Grischun, da l'Uri, da la Glaruna e dal Tessin, uschia communitgescha il chantun.

Per far quella valitaziun han Alpinavera en collavuraziun cun Beelong introduì l'uschenumnà eco-score. Questa indicaziun duai valitar, tge effect che las victualias han sin l'ambient e quant persistentas ch'ellas èn.

Alpinavera

Avrir la box Serrar la box

Alpinavera è ina plattafurma da marketing e da communicaziun che s'engascha dapi plirs onns per ina producziun persistenta e per in consum persistent. Ella è ultra da quai ina da quatter organisaziuns surregiunalas che vegnan sustegnidas da la Confederaziun e dal chantun e che promovan la vendita da products regiunals.

RTR novitads 11:00

Artitgels legids il pli savens