Pizzo Badile - Dus alpinists èn sa disgraziads

Al Pizzo Badile en la Bregaglia èn dus alpinists da la regiun da Bergamo sa disgraziads mortalmain. Ils dus umens eran partids la sonda da la chamona da Furä en Val Bondasca en direcziun dal culm. La saira vulevan els lura arrivar en la chamona da Gianetti en la Val Masino da la vart taliana. Là n'èn ils dus umens dentant mai arrivads. Squadras da salvament talianas e svizras han tschertga e la finala chattà las duas baras a la basa da la paraid dal culm.