Entant ha la Procura publica grischuna dumandà en connex cun la dispita arrest d'inquisiziun per ils dus umens, tar la Dretgira da mesiras repressivas. I vala la presumziun d'innocenza.
Venderdi curt avant las 5 la bun'ura ha la centrala da la Polizia chantunala survegnì l'annunzia ch'ins haja chattà ina persuna senza schientscha dasper in taxi en la Talstrasse. Persunas privatas hajan tgirà l'um enfin che l'equipa da l'ambulanza da l'ospital Tavau saja arrivada. Malgrà tuttas mesiras medicinalas, saja l'um mort anc al lieu. Ins ha lura constatà ch'i sa tractava dal manischunz dal taxi, in um da 53 onns.