La Polizia chantunala ha arrestà dus umens en connex cun in assagl da rapinament l'entschatta da favrer a Cuira. Quai scriva la polizia en ina communicaziun. Enturn mesanotg aveva in um da 20 onns terrà ina persuna a la staziun da Cuira. Silsuenter ha el duvrà la carta da banca vid plirs automats da bavrondas. Quai ensemen cun in ulteriur giuven da 19 onns. La victima da l'assagl saja ida en l'ospital cun blessuras dal chau.
La polizia ha era pudì colliar ils dus umens cun ina infracziun a Tusaun. Omadus han confessà e vegnan denunziads a la procura publica.