Walter Schlegel il cumandant da la Polizia chantunala dal Grischun surpiglia il presidi dal Concordat da polizia da la Svizra orientala. L’um da 59 onns maina quest gremi ils proxims trais onns. Il medem mument daventa Walter Schlegel commember da la suprastanza da la Conferenza dals cumandants da las polizias chantunalas da la Svizra. Schlegel surpiglia l'uffizi da ses collega, il cumandant da la Polizia chantunala dal chantun Son Gagl, Bruno Zanga.
Set chantuns èn part dal Concordat da polizia da la Svizra Orientala: Ils dus chantuns Appenzell, Glaruna, Grischun, Son Gagl, Turgovia e Schaffusa. Plinavant èn er las polizias da la citad da Son Gagl e da Cuira sco la polizia dal Principadi da Lichtenstein part dal concordat.
Legenda:
Walter Schlegel (san.) e Bruno Zanga tar la surdada da l'uffizi la fin da november.
Polizia chantunala
audio
Per tadlar: Las novitads da las 09:00
ord RTR Audio dals 20.12.2021.
laschar ir. Durada: 3 minutas 15 Secundas.