Per la sisavla giada dapi il 1987 vegnan quest onn puspè premiads «buns bajetgs dal Grischun». Premis e menziuns survegnan patruns da construcziun che resguardan u promovan cun lur edifizis la cultura da bajegiar regiunala. Ils projects duain valair envers la publicitad sco exempels per ina buna qualitad da construir. Valitads sut cultura da bajegiar, vegnan divers aspects e disciplinas davent da l'architectura sco tala, aspects da la construcziun fin tar lavurs d'inschigner e planisaziun dal territori.
Or dad 82 projects inoltrads ha ina giuria – principalmain expertas ed experts d'architectura e construcziun – tschernì 14. Sis da quels èn vegnids premiads ed otg han survegnì ina menziun.
Sis objects premiads
- Il remplazzament per las gallarias da la Viafier retica sin la Alp Grüm
- Il Studio Cascina Garbald a Castasegna
- La surbajegiada d'abitar «Quatter stagiuns» a Cuira
- L'engrondiment dal stadion da glatsch a Tavau
- La nova basa per il mantegniment da vias sin il pass dal Bernina
- La surbajegiada d'abitar «Burggarta» a Valendau
Anfang Bildergalerie
Bildergalerie überspringen
-
Bild 1 von 6. Galaria per il trassé da la viafier sin l'Alp Grüm. Tenor la giuria èsi gartegià da resguardar tut las pretensiuns da segirezza e tuttina bajegiar las galarias a moda filigrana ch'ellas s'integreschan bain en la cuntrada. Bildquelle: MAD, Uniun buns bajetgs Grischun, Gianfranco Bronzini.
-
Bild 2 von 6. L'engrodiment dal stadion da glatsch a Tavau. La cumbinaziun da lain e betun accentueschia il caracter d'origin da la halla e reflecteschia la cuntrada autalpina sco er il context. Bildquelle: MAD, Uniun buns bajetgs Grischun, Ruedi Walti.
-
Bild 3 von 6. Il Studio Cascina Garbald a Castasegna. I sa tracta d'in bajetg da remplazzament per ina anteriura setgentera da chastognas en il contur da la Villa Garbald. Tenor la giuria ina cumbinaziun dgartegiada da lain, betun, maulta e liadira. Bildquelle: MAD, Uniun buns bajetgs Grischun, Mariana Marcello.
-
Bild 4 von 6. La nova basa per il mantegniment da vias sin il pass dal Bernina. Il bajetg – per gronda part construì sut il terren – saja in gronda gesta «obtegnida» dal culm, ma senza stravagar, uschia la giuria. Bildquelle: MAD, Uniun buns bajetgs Grischun, Guido Baselgia.
-
Bild 5 von 6. La surbajegiada d'abitar «Quatter stagiuns» a Cuira. La giuria lauda il curtin biodivers entamez da la surbajegiada e spera d'avair premià in edifizi da betun uschè durabel sco quel ch'era l'inspiraziun per la surbajegiada, il mir da la citad. Bildquelle: MAD, Uniun buns bajetgs Grischun, Ralph Feiner.
-
Bild 6 von 6. La surbajegiada d'abitar «Burggarta» a Valendau. Tar la surbajegiada d'abitar da Gion Antoni Caminada lauda la giuria tranter auter la cumbinaziun da spazis da viver endadens ed ordador. Uschia sa movian abitantas ed abitants cun il ritmus dal di e da las stagiuns. Bildquelle: MAD, Uniun buns bajetgs Grischun, Jaromir Kreiliger.
Ende der Bildergalerie
Zurück zum Anfang der Bildergalerie.
Otg objects menziunads
- Abitadi «Tusculum» a Cuira
- Restauraziun da la chaplutta dal crematori sin il santeri Totengut a Cuira
- Schlargiament da la punt Jenisberg a Tavau / Wiesen
- Chasa da duas famiglias Sulten a Flem
- Casa Caminada a Farschnò
- Fuschina da Guarda a Giarsun
- Maletg directiv dal territori da Ilanz / Glion
- Center da trenament d'autezza e da concurrenza a San Murezzan
Anfang Bildergalerie
Bildergalerie überspringen
-
Bild 1 von 8. La surbajegiada d'abitar «Tusculum» a Cuira. Bildquelle: MAD, Uniun buns bajetgs Grischun, Ralph Feiner.
-
Bild 2 von 8. La chaplutta dal crematori sin il santeri Totengut a Cuira. Bildquelle: MAD, Uniun buns bajetgs Grischun, Ralph Feiner.
-
Bild 3 von 8. La Fuschina da Guarda a Giarsun. Bildquelle: MAD, Uniun buns bajetgs Grischun, Nelly Rodriguez.
-
Bild 4 von 8. La chasa da duas famiglias Sulten a Flem. Bildquelle: MAD, Uniun buns bajetgs Grischun, Ralph Feiner.
-
Bild 5 von 8. Punt Jenisberg a Tavau / Wiesen. Bildquelle: MAD, Uniun buns bajetgs Grischun, Lukas Dober.
-
Bild 6 von 8. Il center per trenaments d'autezza e concurrenza a San Murezzan. Bildquelle: MAD, Uniun buns bajetgs Grischun, Laura Egger.
-
Bild 7 von 8. Casa Caminada a Farschnò. Bildquelle: MAD, Uniun buns bajetgs Grischun, Gaudenz Danuser.
-
Bild 8 von 8. Maletg directiv dal territori per la vischnanca da Ilanz / Glion. Bildquelle: MAD, Uniun buns bajetgs Grischun, C. Sauter e R. Weitschies.
Ende der Bildergalerie
Zurück zum Anfang der Bildergalerie.