Siglir tar il cuntegn

Header

cuntegn

Premi d'art Olga Titus survegn premi da l'Uniun grischuna d'art

Il premi d’art da l’Uniun grischuna d’art survegn quest onn Olga Titus. La dunna da 45 onns vegn undrada pervi da sia lingua figurativa moderna ed independenta.

Olga Titus.
Legenda: Olga Titus survegn premi da l'Uniun grischuna d'art MAD

Olga Titus stgaffescha tranter auter maletgs gronds ord pagliettas stampadas. «Partind da fotomontaschas che sa basan sin maletgs digitals ord l'internet, stgaffescha ella maletgs a format grond ord pagliettas stampadas ed ord lavurs da video sco caleidoscops», scriva il Museum d'art Grischun en ina communicaziun.

Olga Titus è la quarta titulara dal premi d'art da l'Uniun grischuna d'art. La dunna ch’è creschida si en la Svizra orientala e ch’è colliada stretgamain cun il chantun Grischun survegn ina preschentaziun individuala en il museum – en il rom da l'exposiziun annuala 2022. En pli surpiglia il premi d’edir ina publicaziun.

Ord l'archiv

L'emissiun «Glanz und Gloria» aveva portretà l'artista l'onn 2018.

video
Il mund plain colurs da Olga Titus
Or da Glanz & Gloria dals 28.11.2018.
laschar ir. Durada: 2 minutas 55 Secundas.

 

RTR novitads 12:00

Artitgels legids il pli savens

Scrollar a sanestra Scrollar a dretga