Siglir tar il cuntegn

Header

cuntegn

Premi da turissem «Milestone» Distincziun per project da scola da skis «Skeacher»

Il «Skeacher» è in scolast u ina scolasta da skis che spetga gia sisum la pista e ch'ils giasts pon «empustar / reservar» spontanamain. Davos il project stattan las scolas da skis ensemen cun Grischun Vacanzas. Ensemen cun il giast vegnan il stil e la moda e maniera dad ir cun skis analisads ed optimads entaifer ina u duas rundas sin pista. Sche quai è giavischà po il skiunz u la skiunza era anc pigliar in'ura instrucziun privata. L'innovaziun vi da la purschida è ch'il giast po profitar a moda simpla e nuncumplitgada da l'instrucziun da scolastas e scolasts da skis e che las scolas da skis han il medem mument ina nova pussaivladad da gudagnar clientella.

Il premi «Milestone»

Avrir la box Serrar la box

Cun il premi «Milestone» vegnan permiads dapi 22 onns ils projects turistics ils pli innovativs u cun il pli bler success da l'entira Svizra. Il premi vegn surdà dal magazin da la branscha Htr Hotelrevue e da Hotellerie Suisse. Quai cun sustegn da la Confederaziun e dad auters partenaris.

  • I dat las categorias: Innovaziun, giuvens, premiera ed ovra da vita.
  • Per il 2020 sco era il 2021 datti ina categoria supplementar per in'innovaziun durant la pandemia da corona.
  • Il «Milestone» è dotà en total cun 35'500 francs. Ils singuls premis sa movan tranter onoraziuns, donaziuns da sponsurs fin tar summas dad intgins millis fin 10'000 francs.

Giuria: «Stgaffì in product per ina dumonda latenta»

L'argumentaziun da la giuria ch'il premi va als «Skeachers»: Ils fundaturs hajan vesì ina dumonda che saja avant maun e sviluppà in product per quella. La purschida dettia a las scolas da skis dapli preschientscha sin las pistas e garanteschia cun ils scolasts e las scolastas professiunalas il medem temp er buna qualitad. Perquai ch'i saja uschè simpel da pigliar spontanamain in scolast u ina scolasta possian ins era cuntanscher persunas che veglian bain ina curta instrucziun ma na giessan mai en la scola da skis. Uschia gudognia il sport d'enviern attractivitad.

Ord l'archiv

Il 2002 ha l'anteriur manader da fatschenta da l'Arena Alva survegnì l'emprim premi Milestone. Quai per il project «Riders Palace».

video
Reto Gurtner survegn in premi Milestone il 2002
Or da Telesguard dals 29.10.2002.
abspielen. Laufzeit 18 Sekunden.

RTR novitads 18:00

Artitgels legids il pli savens

Scrollar a sanestra Scrollar a dretga