Mia e Noah èn stads il 2020 ils prenums ils pli populars en Svizra, quai mussa la rangaziun da prenums da l'Uffizi federal da statistica. Gia il 2019 han las pli bleras poppas survegnì il num Mia, Noah ha surpassà il victur dal 2019 Liam.
Tar ils prenums datti differenzas tranter las regiuns linguisticas. En Svizra rumantscha datti pervia da las paucas naschientschas gist plirs prenums victurs. Tar las mattatschas èn quai Daria, Laura, Lea, Lorena e Yuna. Ils buobs han survegnì il pli savens ils nums Levin e Nic.
En Svizra tudestga èn ils nums Noah e Mia ils pli populars. En la Svizra franzosa èn quai stads Gabriel ed Emma, en Svizra taliana Leonardo e Sofia. En l'entira Svizra èn radund 86'000 uffants naschids.