Dapi l'onn 1997 maina la Centrala grischuna da dunnas il Post spezialisà per cussegliaziun da lavur e professiun. Grazia ad ina cunvegna da prestaziun cun il chantun vegn questa purschida rinforzada.
Per la nova cunvegna da prestaziun per ils onns 2022 fin 2024 vegnia l’import maximal augmentà da fin uss 125'000 sin 130'000 francs per onn. Quai ha communitgà il Departament d’educaziun, cultura e protecziun da l’ambient. Da nov duain las purschidas sa drizzar pli savens er ad umens. Il motiv è tranter auter il giavisch dals umens d'ademplir dapli obligaziuns d'assistenza e da realisar models da rollas alternativs che pretendan ina reparter pli flexibla la lavur pajada e betg pajada
Dapli persunas che tschertgan cussegl
Las persunas che fan actualmain diever da la cussegliaziun èn per gronda part dunnas, en singuls cas er umens. L'onn 2020 èn vegnids fatgs, malgrà las restricziuns pervia da las mesiras cunter il coronavirus, var tuttina blers discurs da cussegliaziun sco l'onn 2019, numnadamain 256. 11 da las 120 persunas che han tschertgà cussegl èn stads umens.