La chasa Frasnelli crodia en egl grazia a sia architectura extraordinaria, scriva la giuria. Ella saja construida tant a moda tradiziunala sco era moderna. En sia moda alpina paria la chasa a medem temp nobla e fina.
«Ovra d’art abitabla»
I sa tracta d’ina construcziun da strick cun lain da pign. Era en l’intern hajan ins duvrà materialias natiralas e localas e cumbinà quellas ch’i sa resulta ina «ovra d’art ch’ins po abitar lien», uschia la giuria.
Ultra da la chasa Frasnelli han ins premià sin rang dus fin quatter cun il premi «gefällt»
- la renovaziun d’in bajetg d’alp da St. Antönien
- la concurrenza da design «mobiglias»
- tschintg fermadas d’auto da posta a Poschiavo
Plinavant exprima la giuria duas renconuschientschas per in pitschen edifizi da lain en il Parco Val Calanca e per la punt «Corkscrew» a Lai.
Premi chantunal e naziunal
En il Grischun segnan las organisaziuns Lain Grischun e l’uniun tetgala da l’economia forestala per il premi «gefällt». Quest premi stat en stretg connex cun il Prix Lignum sin livel naziunal.
Per il Prix Lignum hai dà quest onn passa 530 inoltraziuns. 48 da questas inoltraziuns derivan dal Grischun ed han automaticamain participà a la concurrenza per il premi «gefällt».