Siglir tar il cuntegn

Header

video
Betun grischun KLARK sco deposit da CO2
Or da Telesguard dals 03.03.2022.
laschar ir. Durada: 4 minutas 14 Secundas.
cuntegn

Product innovativ Betun neutral areguard CO₂

La la firma Logbau a Maiavilla ha inventà l'emprim betun neutral areguard CO₂ da la Svizra. KLARK sa numna il nov product.

Betun saja il material da construczin il pli popular, multifar ed utilisà il pli savens en Svizra. La reputaziun dal betun n'è dentant betg la meglra pervia da sia bilantscha da CO₂. Il nov betun neutral areguard CO₂ na duai betg remplazzar il betun convenziunal, però esser in svilup da quel.

Receptura speziala

A las cumponentas tradiziunalas vegn agiuntà in'ulteriura cumponenta: charvun da plantas. Il charvun vegn producì da restanzas da lain tras il process da la pirolisa ch'accumulescha CO₂. En la receptura vegn agiuntà al betun uschè bler charvun da plantas cun CO₂ accumulà sco ch'i dovra per producir il betun; uschia daventa il «KLARK» neutral al CO₂.

audio
Betun cun ina bilantscha neutrala da CO2
ord Actualitad dals 03.03.2022.
laschar ir. Durada: 2 minutas 39 Secundas.

Nagins cumpromiss

Il betun neutral «KLARK» ha las medemas qualitads sco il betun convenziunal. Ins na sto far nagins cumpromiss cun duvrar il material. Il product ademplescha las premissas ed è pront per il martgà. En il futur duai «KLARK» esser disponibel en l'entira Svizra.

RTR actualitad 17:00

Artitgels legids il pli savens