Siglir tar il cuntegn

Header

cuntegn

Promover diversitad Program «graubündenVIVA» cuntinuescha

La regenza vul cuntinuar cun il program «graubündenVIVA». Ella ha perquai fatg ina cunvegna da prestaziun cun l’uniun graubündenVIVA per ils onns 2022 fin 2026, uschia hai num en ina communicaziun. Cun cuntinuar il program per ils temas regiunalitad e culinarica vul la regenza manar vinavant la lavur dals ultims onns per posiziunar il chantun Grischun sco da cultura alpina dal giudair. Quai ensemen cun organisaziuns partenarias.

Promover diversitad

En il sectur da l'economia alimentara dispona il Grischun d'in grond potenzial per crear valurs. Il chantun accentuescha uschia l'impurtanza dal champ tematic «alimentaziun regiunala e turissem». Tenor quel duai vegnir promovida la diversitad da l'economia, en spezial en ils secturs dal turissem e da la producziun da victualias. Il potenzial da la producziun è grond e la dumonda per tals products creschia anc adina.

Finanziaziun

Per realisar las finamiras resultan custs annuals da 990'000 francs per il chantun. Sin basa da la lescha chantunala per mantegnair e promover l'agricultura succeda la finanziaziun cun 792'000 francs per onn. Ina contribuziun cumplementara da 198'000 francs vegn concedida sin basa da la lescha per promover il svilup economic en il chantun.

Ord l'archiv

Il Grischun sco regiun turistica vul sa differenziar il pli ferm pussibel dad autras regiuns turisticas.

video
GraubündenVIVA – la culinarica duai daventar zunt speziala per il Grischun
Or da Telesguard dals 29.09.2016.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga