La regenza ha fatg cunvegnas da prestaziun per ils proxims trais onns cun la Fundaziun Medias Rumantschas e cun las duas organisaziuns linguisticas Lia Rumantscha e Pro Grigioni Italiano. Quellas cunvegnas cuntegnan er mesiras dal catalog da mesiras, dal qual la regenza aveva prendì enconuschientscha il favrer.
Tras quai haja ella cuntanschì in ulteriur term impurtant en la promoziun chantunala da linguas, scriva la regenza. Per ils onns 2021 fin 2024 stattan a disposiziun a las trais instituziuns contribuziuns federalas da radund 16,4 milliuns e contribuziuns chantunalas da 5,7 milliuns francs.