Che chasas da medias svizras vegnian sustegnidas cun fin 151 milliuns francs ad onn saja: «sfarlattim da daners». Da quai avis è il comité Na. Medias privatas na dastgian betg daventar dependentas dal stadi entras subvenziuns directas. La promoziun da medias saja in putgà politic ed ina violaziun da la constituziun, economicamain discrimineschia quai ed i fetschia donn a la democrazia. In Na cusseglian er l'uniun d'artisanadi e mastergn ed Economiesuisse. Cun questa promoziun vegnia la structura dal martgà dad oz mantegnida emè da promover ch'i vegnia s'adattà a la situaziun.
Il comité Gea di, ch’i dovria il sustegn finanzial, cunquai ch'entradas d'abunaments u reclama sajan crudadas davent ils ultims onns. Il pachet da mesiras promovia la diversitad da medias en Svizra. En il parlament sustegnan la PS e la Verda la proposta. Dà or la parola Gea han ils verdliberals. L'Allianza dal Center, ils verdliberals e la PLD èn stadas divididas en il parlament.
Il suveran svizzer decida ils 13 da favrer a l’urna.