Siglir tar il cuntegn

Header

audio
Peter Peyer è uffizialmain candidat da la PS Grischun
Or da RTR Audio dals 28.11.2021. Bild: RTR
laschar ir. Durada: 3 minutas 20 Secundas.
cuntegn

Proxima legislatura Peter Peyer è uffizialmain candidat da la PS Grischun

Ils delegads da la Partida socialdemocratica PS Grischun han nominà oz sonda Peter Peyer sco candidat uffizial per las elecziuns da la regenza. Peyer è dapi il 2018 commember da la regenza dal chantun. Tenor la partida haja el pudì persvader sco cusseglier guvernativ. Gist en il cumbat cunter la pandemia, haja el fatg ina buna lavur. El era il sulet candidat. La PS aveva decidì suenter in'analisa da ristgs e schanzas dad ir be cun lur cusseglier guvernativ en uffizi, Peter Peyer, en il cumbat electoral.

Mes temas èn progress e stabilitad.
Autur: Peter Peyer Cusseglier guvernativ
video
Peter Peyer va en la cursa per restar cusseglier guvernativ da la PS
Or da Telesguard dals 29.11.2021.
laschar ir. Durada: 3 minutas 6 Secundas.

Dapli dunnas per il Cussegl grond

En pli ha la PS Grischun infurmà ensemen cun ils Verds ch'ins haja bunamain ensemen la glista communabla per las elecziuns dal Cussegl grond. Da 120 candidatas e candidats ch’ins veglia nominar en total hajan ins gia chattà fin uss 102. I sajan persunas or dal mez da la societad che represchentian il chantun en tut sias fassettas. Dapli che la mesadad da las persunas nominadas èn dunnas. Uschia han la PS ed ils Vers mess la basa per ina megliera preschientscha da dunnas en il Cussegl grond.

Jau crai ch’i vegn qua propi ensemen ina buna truppa.
Autur: Andri Perl president PS Grischun

Las elecziuns da la regenza han lieu ensemen cun quellas dal Cussegl grond, ils 15 da matg 2022.

RTR novitads 17:00

Artitgels legids il pli savens

Scrollar a sanestra Scrollar a dretga